Un acuardi unic intal so gjenar in regjon al è stât firmât inte sede di Irisacqua a Gurize tra ducj i Gjestôrs dal servizi idric integrât dal Friûl Vignesie Julie. Irisacqua, Cafc, AcegasApsAmga, Hydrogea, Livenza Tagliamento Acque, Acquedotto Poiana e Acquedotto del Carso a àn firmât la costituzion di une Rêt di imprese par presentâ progjets comuns di podê finanziâ cui bêçs dal Pnrr.
I presidents e i diretôrs gjenerâi dai siet gjestôrs a àn condividût la analisi su lis dificoltât simpri che il compart al è daûr a frontâ in chest periodi: “Di chi – a sclarissin i siet gjestôrs – e tache a lavorâ une taule permanente di confront che si darà adun ogni trê mês par condividi lis analisis dai problemis dal nestri setôr e fevelâ dome cuntune vôs ai nestris interlocutôrs istituzionâi”.
La comunion di intindiments e di vision e à permitût ancje la nassite de Rêt di Imprese, un acuardi di grande impuartance parcè che al permet di meti a sisteme lis fuarcis dai gjestôrs regjonâi cressint cussì lis pussibilitâts di cjapâ risorsis dal Pnrr. (ADG) – 29.09.2022
