Cundut di un câl dai rigjâfs dal 16%, il Grup Danieli al à sierât il semestri al 31 Dicembar dal 2025 cuntun margjin operatîf sporc di 191,2 milions di euros, il 17% in plui a pet dal stes periodi dal an prime.
L’util net dal Grup al va su dal 5%, a 130,9 milions di euros. La posizion finanziarie nete dal Grup si manten cuntune casse positive, alte e une vore miôr a pet de sieradure dal periodi precedent.
La multinazionâl furlane dal açâl e manten la vuide tal marcjât internazionâl, in graciis soredut dai siei implants inovatîfs pe produzion verde di açâl. Fevelant des inciertecis dal contest gjeopolitic e economic globâl, i cjâfs de aziende a pensin che Il Grup nol sedi esponût a risis leâts aes ativitâts in marcjâts sogjets a limitazions o sanzions internazionâls. (a.d.g.) – 26.03.2026
