Miercus ai 5 di Març inte sale consiliâr dal municipi, in place Biagio Marin, al sarà inmaneât un apontament pal reclutament di 70 di lôr tal setôr turistic alberghîr pe prossime stagjon di Istât.
Ae iniziative, inmaneade dai servizis pal lavôr de Regjon, a cjaparan part dôs impuartantis aziendis dal setôr. Si trate dal Marina Julia Family Collection di Monfalcon e de Tenuta Primero Resort di Grau.
Si cîr int tes areis dal acet e de aministrazion, de sale-bar, dal market, de cusine e de ristorazion, dai servizis di supuart. Il curriculum par candidâsi ae zornade dai 5 di Març al à di jessi mandât dentri di lunis ai 24 di Fevrâr. (a.d.g.) – 04.02.2025