UniCredit e supuarte il progjet di disvilup sostignibil de societât furlane IFIM srl. La bancje e à fat in favôr de aziende une operazion di 2 milions di euros pe costruzion e la gjestion di un gnûf parc fotovoltaic a Sant Gotart, intal Comun di Udin. I lavôrs di costruzion dal implant, che al produsarà in medie ad an plui o mancul 3.500.000 kWh, a son za scomençâts e a scugnaressin finî dentri de fin dal an.
La operazion in favôr de IFIM Srl e à un periodi di amortament di 10 agns e e je colegade al otigniment di obietîfs ESG che la aziende si è impegnade a fâ dentri di 3 agns: plui intal detai si fevele dal sparagn di emissions di CO2/gas sere stimadis in 45.226.000 chilos dilunc dal periodi di ativitât dal implant previodût in 24 agns. (A.D.G) – 07.07.2022
