Tal istitût tecnic Marinoni di Udin, uniche scuele in regjon, tacant dal prossim an scolastic, al sarà metût in vore dentri dal indreçament Cat (Costruzions, ambient e teritori) il percors di cuatri agns de a pene nassude filiere professionâl dal “Ambient costruît e Sisteme cjase”.
Dôs impuartantis aziendis dal setôr, Icop e Fantoni, a saran dentri de scuadre formative pal cors.
Chest progjet promovût dal Its Academy di Udin, in sinergjie cun Confindustria Udine, Cefs, Ordin dai Perîts industriâi che al cjape dentri ancje Perîts edîi, Coleç dai gjeometris e Universitât dal Friûl, al cjape dentri ancje lis impresis dal teritori. Une altre novitât cheste pai zovins che a podaran diplomâsi in cuatri agns invezit che 5, come che al previôt il gnûf ordenament dai istitûts tecnics, dentri di un percors formatîf inovatîf e cuntun contat diret cul mont dal lavôr. (a.d.g.) – 13.02.2025
