47
Stefano Fruttarolo al è il gnûf president dal Consei di aministrazion di CrediFriuli. Resident a Reane dal Roiâl, 61 agns, avocat, al cjape il puest di Luciano Sartoretti che al vuidave la bancje dal 2001. Fruttarolo al jere deventât il vice tal 2019 e la sô incarghe e sarà par trê agns.
Ae vice presidence al è stât clamât Edgardo Fattor. Il gnûf Consei di aministrazion al à nomenât i components dal Comitât esecutîf: Gian Franco Panizzo president, Marina Pittini vicepresident, Lorenzo Contin e Gabriele Pecile components. (a.d.g.) – 08.05.2025
