Il rapuart “La economie dal Friûl Vignesie Julie” presentât vuê te sede di Triest de bancje di Italie al conte che, ae fin dal 2024, il valôr de ricjece nete des fameis dal Friûl Vignesie Julie al jere di 240 miliarts di euros, par a 201 mil euros par ognidun cuintri dai 199 mil euros de medie taliane.
La cressite economiche si è morestade, come che al è sucedût tal rest de Italie tant che e je lade dal 4,7% dal 2023 al 2,4% dal 2024. Il valôr des ativitâts al è lat su dal 2,1% a pet dal 1,6% dal 2023.
Tal 2025 il sparagn finanziari des fameis e des impresis al è cressût ancjemò. I dipuesits in bancje a son lats su dal 2,2% pes fameis e dal 4,5% pes impresis, ma la cressite e je stade ancjemò plui alte pai titui tignûts dentri des bancjis che a son lats su dal 14,5%.
I prestits a fameis e impresis tal 2025 a son lats sù dal 1,2%: stabii chei aes impresis, intant che a son cressûts chei aes fameis dal 3,1%. L’impuart complessîf dai mutui al è stât di 1,1 miliarts di euros, in cressite di plui dal 25% a pet dal an prime. (a.d.g.) – 10.06.2026
