Fruticulture, miluç e kiwi a tegnin su’ il setôr

Il setôr de fruticulture par agns al è stât considerât come pôc impuartant a pet dal intîr compart agricul regjonâl. Dopo un câl, vuê e je une inversion de tindince, soredut se si fevele di miluç e di kiwi. Chestis produzions a dan un bon risultât economic aes impresis in gracie de cualitât dal prodot ben acet sul marcjât.

Chest ce che al à dit vuê di matine l’assessôr regjonâl aes Risorsis agroalimentârs Stefano Zannier, ae presentazion de cincuantesime tierce edizion de Mostre regjonâl dal miluç di Pantianins, che al sarà dai 27 ai 29 di Setembar e dai 3 ai 6 di Otubar. (a.d.g.) – 17.09.2024