La manifature inte provincie di Udin tal prin trimestri dal 2024 e sconte ancjemò un andament tal Mont debil e il ralentament de domande interne. Al è ce che al salte fûr dai dâts de indagjin fate dal ufici studiis di Confindustria Udine suntun campion rapresentatîf di impresis associadis (doi tierçs dal totâl par numar di assegnâts). Intal prin trimestri dal 2024 la produzion industriâl in provincie di Udin e je cressude dal 2,9% a pet dal cuart trimestri dal 2023, ma si è sbassade dal 1,2% a pet dal stes periodi dal an passât.
Al câl e à contribuît la fuarte diminuzion des venditis in Italie cuntun mancul 6,7%, intant che a son ladis su’ chês tal forest cuntun plui 1,1%. Segnâi positîfs a rivin dal ûs dai implants produtîfs, che al è passât dal 79% dal cuart trimestri dal 2023 al 80% dai prins trê mês di chest an. (a.d.g.) – 03.06.2024
