Tierç trimestri cun segn mancul. Al ven fûr de analisi dai dâts de investigazion trimestrâl di Confindustrie F-VJ elaborâts dal Ufici Studis di Confindustrie Udin. Intal tierç trimestri dal 2022 la produzion industriâl regjonâl e je calade dal 5,9% a pet dal stes trimestri dal an passât e dal 10,8% a pet dai trê mês precedents.
Lis impresis de regjon, dopo un prin semestri positîf (plui 0,7% a pet dai prins sîs mês dal 2021) che al à evidenziât la buine tignude e la resilience dal setôr des manifaturis, a pain cumò i efiets dai coscj energjetics e de inciertece dopo de vuere in Ucraine.
Grande inciertece su lis prospetivis pai mês che a vignaran.
“O vin constatât in concret il valôr zontât dât dal lavorâ insiemi. I Grups di lavôr e lis Comissions istituidis a son daûr a produsi tantis ideis e iniziativis individuant, tal stes timp, spazis grancj di miorament”. Al è someât sodisfat Gianpietro Benedetti, president di Confindustrie Udin, che, cheste matine, a palaç Torriani, adun cui vertiçs associatîfs, al è intervignût ae conference stampe convocade dai Industriâi furlans par riassumi lis ativitâts fatis, i risultâts otignûts e i obietîfs a medi lunc tiermin. (ADG) – 21.11.2022
1 coment
Une vore no tant biele pe vie di robis elettrichis, vignudis a costà trop. Cinc par cent je une cifre ma no si conte il timp e l’jessi grams.