Fraude par cuasi 4 milions di euros scuvierte a Gurize

Scuvierte a Gurize une grande fraude fiscâl tal setôr dal cumierç di machinis. Dopo di un control bande une societât di capitâi specializade tal vendi e comprâ autos di lus, i oms de Agjenzie des Doganis e dai Monopolis a àn scuviert che il titulâr al veve fat di mancul di declarâ une vore di venditis par trê milions e 800 mil euros e di paiâ la Iva par plui di 800 mil euros.

Dopo lis investigazions, la Vuardie di finance e à denunziât ae Procure de Republiche il legâl rapresentant de societât, un citadin rumen che no si rive a cjatâ, par no vê fate la declarazion. (a.d.g.) – 10.04.2025