Fotovoltaic sui cuvierts agricui, Cia Fvg sodisfate pal decret

“I agricultôrs e i arlevadôrs dal Friûl Vj a son pronts a cjapâ dutis lis oportunitâts dal PNRR par incressi il lôr contribût ae transizion verde e energjetiche”. Lu à dit Franco Clementin, president di Cia Fvg – Agricoltori italiani comentant la publicazion in Gazete Uficiâl dal Decret “Agrisolare” che al vâl 1,5 miliarts di euros, e al da il vie libare ai invistiments pe instalazion di panei fotovoltaics sui cuvierts dai edificis a ûs produtîf intai setôrs agricul, zootecnic e agroindustriâl. Par Cia Fvg e je une ocasion iripetibile par incressi la eficience energjetiche dal setôr, cence consumâ i terens agricui destinâts aes culturis e par contignî i coscj. (A.D.G.) – 04.07.2022