Fieste pai 30 agns de societât di traspuart public Arriva Udine ex Saf

Vuê di matine fieste inte sede di vie dal Partidor a Udin par celebrâ i 30 agns di Arriva Udine (che si clamave Saf) ae presince de dirigjence de societât e dai dipendents. A àn partecipât ancje il vicesindic di Udin Alessandro Venanzi, la assessore ae sigurece e Polizie locâl Rosi Toffano e il comandant de Polizie locâl di Udin Paolo Carestiato.

Tal so discors, Venanzi al à sotlineât il valôr strategjic de aziende pe citât e pal Friûl: “Arriva Udine – al à dit Venanzi – e à contribuît in chescj agns a miorâ la cualitât de vite tal nestri teritori. Ancje a Udin, la cualitât de vite e je alte ancje e soredut par servizis come chest, funzionâi e dongje dal citadin”. (a.d.g.) – 18.12.2025