Il Consei di aministrazion di Fidimpresa Friulveneto, il gnûf ent nassût daspò de fusion tra Fidi Impresa & Turismo Veneto e Confidi Friuli fate tal principi dal 2025 e vuidât dal venit Massimo Zanon che al jere in chê volte ae vuide di Fidi Impresa & Turismo Veneto – al à aprovât il so prin belanç, chel dal 2025.
A son stadis fatis 2.200 operazions par dâ garanziis, intant che i finanziaments direts a àn passât i 16 milions di euros. In dut, i afidaments fats dal ent a passin i 450 milions di euros. L’an passât a son jentrâts 492 socis gnûfs tant che lis impresis associadis a son deventadis 26.600. Il capitâl sociâl al rive dongje dai 39 milions e, se si ten cont ancje des risiervis, al rive a 60 milions. L’esercizi dal 2025 al è stât sierât cuntun util di 688 mil euros, in cressite dal 20% a pet di ce che al jere previodût al timp de fusion. (a.d.g.) – 03.04.2026
