Energjie e gas, pes impresis piçulis dal Friûl-Vignesie Julie stangjade dopleade

Lis piçulis impresis de nestre regjon a pain il gas il dopli des grandis aziendis e la energjie eletriche “dome” il 55 par cent in plui.

Al è ce che al salte fûr di une investigazion de Cgia di Mestre, che simpri cuant che si fevele di Friûl-Vignesie Julie, al à rilevât ancje un altri dât che al dâ pinsîr: al reste stabil il numar des fameis che si cjate in puaretat energjetiche. E plui a risi a son chês dai lavoradôrs autonomis. (a.d.g.) – 30.06.2025