Elifriulia comprade dal grup spagnûl Eliance

Il Grup Eliance, operadôr spagnûl atîf intal setôr dai servizis elicoteristics, al à acuisît la maiorance dal capitâl sociâl di Elifriulia metint dongje i doi socis finanziaris istituzionâi che a restin intal grup cuntune cuote di minorance.

Intal mês di Setembar dal 2021, di fat, i socis finanziaris Fvs, par cont dal Fondo Sviluppo Pmi, e Friulia a àn invistît in maniere paritetiche in Elifriulia, acuisint in complès une cuote di plui o mancul il 26% dal capitâl. I doi invistidôrs a àn finanziât la aziende ancje cu la sotscrizion di struments che a permetaran di finanziâ il plan di cressite di Elifriulia, societât storiche dal setôr che e furnìs servizis di elisocors di passe 50 agns intal marcjât talian. (ADG) – 18.11.2022