“Il Plan presentât de Electrolux no si pues acetâ. La aziende e à di ritirâlu daurman e e à di presentâ un gnûf, che su chel si puedi inviâ il confront vêr cun Guvier, Regjons e sindicâts, che nol previodi licenziaments coletîfs”. Guvier e Regjons si son cjatâts vuê di matine e a àn definît chê che il ministri des Impresis e dal Made in Italy, Adolfo Urso al à clamât “une posizion condividude dal dut”.
Cheste domande e sarà formalizade ai 25 di Mai inte riunion che e sarà li dal Ministeri a Rome simpri cun aziende, Regjons e sindicâts.
A son trê i ponts fondamentâi: difindi la capacitât produtive taliane, tutelâ la ocupazion e mandâ indaûr ogni decision che e puedi meti a risi il futûr industriâl de Electrolux in Italie. (a.d.g.) – 19.05.2026
