Intai implants talians a saran 1.719 I lavoradôrs che a pierdaran il puest, che di chei 262 a saran di Purcie, indulà che e je previodude la sieradure de linie produtive des suieblancjarie, ma si pense che a podaressin jessi mandâts a cjase cui operaris ancje impleâts, parcè che i licenziaments di chei che a lavorin inj ufici a saran 725.
Cheste e je la situazion mostrade a Rome di Massimiliano Ranieri, aministradôr delegât di Electrolux Italia, te suaze de taule convocade dal Mimit (Ministero Industria e Made in Italy) a Rome. Fûr dai uficis dal ministeri a jerin passe 150 lavoradôrs che a rivavin di dutis lis regjons cjapadis dentri, cun bandieris, strissons e fumogjens.
La aziende e à dit che i coscj des materiis primis, de energjie e dal lavôr a son rivâts a nivei no sostignibii e che ancje 12 stabiliments di altris aziendis di eletrodomestics in Europe a àn sierât tal 2024 o a son dongje a fâlu. “cundut dal nestri impegn – e conte la aziende – il contest nol è plui sostignibil”. (a.d.g.) – 26.05.2026
