Su la fonde des elaborazions dal Ufici studis di Confindustria Udine, che e à doprât lis stimis Prometeia inzornadis ae fin di Zenâr, tal bieni 2026-2027 la economie de nestre regjon e sarà in cressite, ma moderade.
Il Pil regjonâl al è previodût che al ledi sù dal 0,5% chest an e il prossim, daspò dal 0,4% fat segnâ tal 2025 e dal 1% dal 2024.
La dinamiche che si spiete e sarà ancje plui piçule de cressite regjistrade prime de pandemie e dut câs e sarà sot di chê dal Nord Est (plui 0,8% tal 2026 e 0,7% tal 2027), par no fevelâ de aree Euro indulà che la cressite e varès di jessi dal 1,3% chest an e dal 1,4% tal 2027.
Lis prestazions de regjon a son leadis soredut chest an a une evoluzion mancul favorevul dal cumierç tal forest, condizionât de masse inciertece, dal rinfuarciment dal euro e dal fat che a restin tensions a nivel gjeopolitic. (a.d.g.) – 03.02.2026
