E vierç la gnove filiâl di Credifriuli a Spilimberc

Moderne e funzionâl. E je la gnove sede de Filiâl di CrediFriuli di Spilimberc, screade in vie Ponte Roitero 1. Pe ocasion, si è tignût un moment celebratîf e conviviâl in presince dal president de Bcc furlane, Luciano Sartoretti, dal diretôr gjenerâl Gilberto Noacco, di tantis autoritâts locâls e di tancj socis, clients e colaboradôrs. Pre Giangiacomo Ruggeri al à dât la benedizion ai locâi e ai operadôrs.
Consegnade al diretôr, Andrea Bonutto (e a doi siei colaboradôrs), la filiâl di Spilimberc e je la trentesime par CrediFriuli (aderent al Grup Bancjari Cooperatîf Iccrea) e la prime operative in provincie di Pordenon. Furnide di une moderne e complete aree self, la luminose e largje filiâl e je imprezioside, dentri, di un mosaic origjinâl dal mestri Stefano Jus, fat in colaborazion cu la Scuele Mosaiciscj dal Friûl, intitulât “Agregazion”. (ADG) – 26.09.2022