La industrie siderurgjiche e cjale al futûr di un dai siei lûcs storics, ven a stai Udin. Vuê tal dopomisdì, inte Torre di Santa Maria e je stade la cunvigne “Siderurgia 2050”, prin at di “Impresa Futuro” il progjet gnûf promovût adun di Confindustria Udine e de Universitât dal Friûl, in colaborazion cun iNEST – Interconnected Nord-Est Innovation Ecosystem. A chest apontament e à partecipât une vore di int, presints cetancj rapresentants dal mont produtîf, academic e istituzionâl par fevelâ di trasformazions industriâls, inovazion tecnologjiche e des prospetivis a tiermin lunc par un setôr strategjic, tant che chel de siderurgjie.
“Cheste iniziative – al à visât Luigino Pozzo, president di Confindustria Udine tal vierzi i intervents istituzionâi – e rapresente la volontât di cjalâ indenant bande des gnovis sfidis de manifature”. (a.d.g.) – 27.06.2025
