E nas la cooperative vinicule plui grande dal Nordest

La assemblee dai socis de cantine cooperative Viticoltori Friulani La Delizia e à aprovât cul 95% dai vôts a pro la propueste di fusion cu la cantine sociâl di Conean e Vittorio Veneto. E nas cussì la Cantine Sociâl Conegliano-Vittorio Veneto-Casarsa, la cooperative vinicule plui grande dal Nordest e tra chês plui grandis di Italie cun 1.600 socis, 5.500 etars a vît, 900 mil cuintâi di ue e 26 milions di butiliis prodotis. La identitât dal bol di Cjasarse e restarà, viodût che e je stade costituide la Vini La Delizia Srl, cun sede a Cjasarse, che e curarà vendite e marketing dai vins de gnove cantine sociâl. (a.d.g.) – 12.02.2024