E nas a Lignan la prime Comunitât energjetiche rinovabil “balneâr” in Italie

da Alessandro Di Giusto

Dopo cuasi un an il progjet par meti su’ la prime Comunitât energjetiche rinovabil “balneâr” al è pront. De Cort dai conts al è rivât il parê favorevul ae sô costituzion come cooperative a partecipazion publiche. E je duncje stade promovude la colaborazion tra Enea, la Agenzia nazionale per le nuove tecnologie, l’energia e lo sviluppo economico sostenibile, il Comun di Lignan e la cooperative benefit Part-Energy, nassude a Udin tal Mai dal 2021.

“La novitât plui impuartante e je che il model operatîf doprât – al à dit il vice president di Part-Energy, Mauro Guarini-, invezit che come fat dai pôcs sistemis in vore sul teritori talian che a proponin dome un model juridic par ogni Cer in vie di regjistrazion, nô o vin sielzût une plateforme che e regjistrarà lis diferentis configurazions par ogni teritori che al vûl meti su’ une Cer e che e promovi politichis di cooperazion e di sostignibilitât ambientâl”. (a.d.g.) – 29.02.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui