Al è dut pront pe cerimonie de scree de sede ristruturade dal dut dal centri di assistence fiscâl de Cisl a Gurize. L’apontament al è par doman, miercus ai 25 di Jugn, aes cinc e mieze di dopomisdì, par vierzi in vie Manzoni 5 il tierç Centri par impuartance inte nestre regjon, che al sta daûr a plui di 10 mil utents ogni an.
Il spazi al è stât miorât par fâlu deventâ plui funzionâl e par rispuindi cussì ae domande che e je in cressite: tal 2024 a son stâts compilâts 7.639 modei 730, 3.277 Isee, 645 contrats e 351 declarazions dai redits, cence dismenteâsi dai numars par Imu, sucessions e altris servizis. Cun di plui, in vie Manzoni, al è in vore ancje il sportel “Nuovi cittadini” dedicât ai forescj. Simpri l’an passat chest sportel al à fat 73 consulencis, al è stât daûr a 73 domandis di citadinance e a 126 permès di permanence. (a.d.g.) – 24.06.2025
