I distrets dal Trivenit a sierin i prins 9 mês dal 2023 cun plui di 31 miliarts di euros di esportazions, in cressite dal 0,9% a presits corints sul stes periodi dal an di prime cu la incressite dal trafic in esportazion in valôr che al è stât di plui o mancul 268,4 milions di euros. Il tierç trimestri di rilevazion al fâs regjistrâ dut câs une flession di mancul 3,2% a pet dal stes periodi dal 2022. A son i dâts principâi dal report di Intesa Sanpaolo. Prestazion in calâ pai distrets dal F-Vj che a mostrin une contrazion (mancul 9,8%) a pet dal stes periodi dal 2022, an record.
A patî in mût particolâr a son stâts i Distrets dal mobil e dal furniment: lis cjadreis e complements di furniment di Udin (mancul 13%), mobil e panei di Pordenon (in maniere rispetive mancul 10,2% e mancul 10,9%). Mâl ancje i eletrodomestics de zone di Pordenon che a segnin la contrazion plui fuarte (mancul 23% intai prins 9 mês, in peiorament tra Lui e Setembar a mancul 27,8%). In flession lis esportazions dal distret dal Persut di Sant Denêl (mancul 9%), contignudis a pet dai altris distrets monitorâts inte regjon. A restin positîfs vins e distilâts dal Friûl e cafè di Triest. (a.d.g.) – 20.02.2024
