Di doman i contribûts de Cjamare di cumierç pal eficientament energjetic

La zonte de Cjamare di cumierç Pordenone-Udine e à dât il vie libar al bant pe transizion energjetiche che al tache martars ai 23 di Avrîl pes piçulis e mediis impresis dai doi teritoris.

In dut a son a disposizion 250 mil euros che a saran dâts su trê nivei di voucher par cuvierzi lis spesis di consulence e di certificazion pe realizazion di progjets di eficientament energjetic e, di chê altre bande, par comprâ implants e imprescj dedicâts al eficientament.

I voucher a son di 3, 5 e 10 mil euros su la fonde des spesis sostignudis e tignudis tant che amissibilis. Si trate di contribûts a font pierdût, in cont capitâl inte percentuâl massime dal 70%. (a.d.g.) – 22.04.2024