“La regjon e met a disposizion 3 milions di euros pe sigurece des ativitâts comerciâi des provinciis di Udin e Pordenon. Tal particolâr, doi milions a saran stanziâts pai servizis di vigjilance e un milion pai sistemis di video vigjilance. A son proviodiments – al à dit Pierpaolo Roberti, assessôr regjonâl ae Sigurece – che di une bande a garantissin plui control dal teritori dant plui serenitât a imprenditôrs e clients e, di che altre, a tutelin lis ativitâts economichis e a permetin aes fuarcis dal ordin di intervignî daurman cuant che al covente”.
Ae presentazions di cheste iniziaiive fate vuê di matine inte sede de Regjon a Udin, a àn partecipât il president de Cjamare di Cumierç Pordenone – Udine, Giovanni Da Pozzo, Domenico Farinacci e Domenico Lione, tal ordin cuestôr e prefet di Udin. (a.d.g.) – 19.05.2025
