Massim dai vôts pe Danieli di Buri sul front de lote al cambiament climatic. La multinazionâl che e opere intal setôr dal açâl pe prime volte e je stade premiade cui ponts plui alts di ‘Carbon Disclosure Project’ pe trasparence aziendâl e la prestazion sul cambiament climatic, otignint il prin puest cun ponts “A”. Danieli e je une des pocjis aziendis a jessi rivade a cheste classificazion su plui di 21.000 societâts e grancj grups valutâts a nivel mondiâl. I rating a son disfrutâts par cjapâ decisions sui invistiments par favorî la transizion viers une economie a zero emissions di carboni, sostignibile e resiliente. Intal 2023, plui di 740 istitûts finanziaris cun plui di 136 trilions di dolars di patrimoni a àn domandât aes aziendis di divulgâ dâts sui impats ambientâi, pericui e oportunitâts traviers la plateforme ‘Carbon Disclosure Project’, che e dopre une metodologjie detaiade e indipendente par valutâ chestis aziendis, assegnant ponts di D- a A, basâts su la completece de divulgazion e la dimostrazion des miôr pratichis leadis ae sorestanzie ambientâl.
“La certificazion A – al sotlinee Alessandro Brussi, vicepresident dal Consei di aministrazion di Danieli e membri dal Comitato Rischi e Sostenibilità – e rapresente un risultât tangjibil di un percors di miorament continui des prestazions de societât che intal ultin trieni e je rivade ancje a altris travuarts”. (a.d.g.) – 07.02.2024
