Dal Friûl un sisteme par salvâ flums e terens de dispersion di materiâl dai cantîrs

Al è stât progjetât de imprese Pilosio di Tavagnà, innomenade a nivel internazionâl pe produzion di armaduris e altris sistemis picjâts, il prin prodot in Pvc tal mont par tutelâ i flums e i terens che si cjatin sot des grandis oparis, che a saressin incuinâts par vie de dispersion dal materiâl che al cole ju dilunc dai intervents di risistemazion.

Chest brevet, une vore inovatîf, al è stât clamât BlueSky e al è stât disvilupât dal repart RD coordenât dal inzegnîr di Trevîs Alessandro Zanatta. BlueSky al è stât doprât pe prime volte tal cantîr dal puint sul flum Po, dilunc de autostrade A13, tra lis provinciis di Rovigo e Ferrara. (a.d.g.) – 23.10.2025