Dal prin di Lui chei dal marcjât tutelât sot Hera in provincie di Udin

Dal prin di Lui Hera Comm dal grup Hera al deventarà il gnûf gjestôr eletric par plui o mancul 56 mil fameis inte provincie di Udin che no àn sielzût il marcjât libar e che si cjatin intal marcjât di tutele plui alte fintremai dai 30 di Jugn.

Cu la fin di chest ultin gjenar di marcjât, i clients a laran in maniere automatiche intal marcjât a tutelis graduâls, che al durarà trê agns. La imprese Hera e à vinçût la gare par dâ energjie eletriche ai citadins dal marcjât a tutele plui alte in 37 provinciis talianis, tra chestis e je chê di Udin. (a.d.g.) – 27.06.2024