“Dilunc de riunion fate cheste matine, lis parts a son stadis dacuardi sul dibisugn di fâ altris aprofondiments su la situazion de Snaidero, par rivâ a identificâ insiemi i struments plui adats par supuartâ la ativitât dal stabiliment di Maian e judâ il recupar de aziende.”
Chest al è stât evidenziât dai assessôrs regjonâi dal Lavôr, Alessia Rosolen, e des Ativitâts produtivis, Sergio Emidio Bini, ae fin de discussion tra la Regjon, i sindicâts e i cjâfs de storiche imprese furlane di cusinis, rapresentade dal president Alessandro Trivillin.
La prossime riunion e je stade programade par vinars ai 30 di Zenâr, e Rosolen e Bini a àn sotlineât che “al covente valutâ cun atenzion i prossims pas, cu la ciertece che la Regjon e je pronte a doprâ ducj i struments finanziaris e chei leâts aes politichis atîfs dal lavôr par judâ la aziende intal disvilup di un Plan industriâl bon di sigurâ il futûr a une realtât impuartante In Friûl -Vignesie Julie”. (a.d.g.) – 16.01.2026
