CrediFriuli e continue a cressi tal 2022

CrediFriuli, ancje intal prin semestri dal 2022, no ferme la sô corse regjistrant risultâts di dut rispiet (l’util net al è di 9,5 milions di euros), pûr vint operât intun periodi dificil segnât de impenade de inflazion, dal aument impuartant di presit des materiis primis e, in gjenerâl, de instabilitât dal contest macro economic.

Ai 30 di Jugn di chest agn, i fonts aministrâts a son stâts 2,8 miliarts di euros cuntune incressite dal 5,8 par cent in confront dal Jugn di prime. In fuart aument ancje la racuelte direte, che e à segnât un plui 7 par cent, cu la viertidure di cuasi 1.500 gnûfs conts corints nome in 6 mês. (A.D.G.) – 09.08.2022