Contribûts aes aziendis: al è “bum” di domandis

Dôi mil domandis in pocjis oris: al è stât daurman un “bum” di domandis pai contribûts regjonâi a pro di piçulis e grandis aziendis par fâ front al cjâr-boletis. Il sostanziôs cjanâl contributîf di 40 milions di euros al à atirât la atenzion dal sisteme produtîf dal Friûl Vignesie Julie. Intes primis oris di inviament de procedure midiant il banc telematic, il sisteme informatic di Insiel al è saltât par cualchi minût, ma la emergjence e je jentrade in curt. Par l’assessôr Sergio Bini, “il 92,5% des impresis che a podaran fâ domande a son micro aziendis cun mancul di dîs dipendents e un faturât anuâl inferiôr a 2 milions di euros. O pensìn di sodisfâ almancul 39 mil domandis”. (A.I.) – 13.10.2022