Confcommerio dal Friûl Vignesie Julie e je daûr a lavorâ cu la Regjon par cjatâ une soluzion ae cuistion dal rinovament des concessions intai marcjâts di paîs. La associazion e à acetât positivementri l’avîs dal assessorât regjonâl aes Ativitâts produtivis che al anticipe un intervent legjislatîf par uniformâ il compuartament des aministrazions comunâls in mût di dâ ciertece aes impresis.
“No zove a nuie berlâ sot des teracis sbaliadis”, al osserve il president regjonâl Confcommercio Fiva (Federazione italiana Venditori Ambulanti) Andrea Maestrello, dopo de ordenazion di sospension dal bant pai marcjâts di Pordenon propit de bande de Regjon. “O colaborìn di timp cun ducj i nivei de aministrazion publiche, parcè che o vin simpri sostignût che nol è berlant che si risolvin lis situazions, ma dome cuntun confront e un dialic viert e rivuardôs tra lis parts”.(A.D.G.) – 25.08.2022
