125
Il bant Agrisolare publicât dal Mipaaf al è stât ogjet di aprofondiment dal Consei diretîf di Confagricultura, che si è dât adun îr. Al è stât decidût di inviâ la machine operative che e varà di judâ su dut il teritori talian lis impresis che a vuelin partecipâ al bant. Daûr des indicazions dal Ministeri, il proviodiment al podarà consintî une gnove capacitât di gjenerazion pâr a 375mila kW di energjie solâr. Lis risorsis stanziadis pal Parc Agrisolare a rivin a 1,5 miliarts di euros, 1,2 risiervâts a intervents intal setôr de produzion agricule primarie e i restants 300 milions ripartîts par invistiments inte trasformazion dai prodots primaris in produzions agriculis e no agriculis. (A.D.G.) – 26.08.2022
