37
Daspò des protestis a Bruxelles, i contadins de Coldiretti a saran presints al presidi li dal pas dal Brennero lunis ai 8 e martars ai 9 di Avrîl, indulà che e rivarà ancje une delegazion dal Friûl-Vignesie Julie. I rapresentants de Coldiretti a vuelin metisi a flanc des Fuarcis dal ordin che a controlin la marcjanzie puartade dai Tir al confin par evitâ la concorence sleâl.
La iniziative e je stade comunicade di Matteo Zolin, president de Coldiretti di Pordenon, che lunis sul cricâ dal dì adun cun Antonio Bertolla, diretôr de Coldiretti e di cetancj socis e dirigjents de associazion in rapresentance dal teritori, si cjataran propit li dal confin cu la Austrie. (a.d.g.) – 05.04.2024
