Plui di 22 toneladis di pellet a son stadis metudis sot secuestri de Vuardie di finance di Triest adun cul personâl de Agjenzie des doganis. Il pellet, che al veve la marche di cualitât Enplus falade, al è stât intercetât e confiscât a Fernetti, indulà che al jere stât controlât un camion che al rivave de Ucraine.
I sacs di 15 chilos a vevin la marche di certificazion, ma la Associazione Italiana Energie Agroforestali (Aiel) e à confermât che e jere falade e che al mancjave il codiç identificatîf de aziende, intant che nissun dai impuartadôrs al jere autorizât par doprâ la marche.
Dute le cjame e je stade secuestrade e il rapresentant legâl de aziende impuartadore al è stât denunziât par cumierç di prodots cun marche falade. (a.d.g.) – 05.02.2025
