La vicende de Opa di Sparkasse su Civibank si môf dal mont de finance aes aulis di justizie. Ancje se la ufierte publiche di acuist butade de bancje sudtirolese e à vût sucedût, passant la cuote minime dal 45% dal capitâl sociâl, la partide no pues dîsi sierade ad implen.
A tornâle a vierzi, almancul in linie teoriche, la mosse dal Cda di Civibank che, sot de vuide dal president Michela Dal Piero si è dât adun par esaminâ la situazion e definî lis diviersis azions legâls, diviersis za inviadis altris anunziadis traviers une note al tiermin dal Cda.
Civibank e je pronte a movisi su varis fronts. Il prin al è un ricors al Tribunâl de Union Europeane a ae justizie aministrative taliane che ur è stât domandât l’anulament de autorizazion ae Opa. il lincin di Civibak al è leât a chê che i disin “Leç Amato” che al introduseve l’oblic pes Fondazions bancjariis di dismeti partecipazions detignudis in altris societâts e la improibizion di assumi gnovis partecipazions di control in altris bancjis.
La bancje furlane, cun di plui, al veve fat za une segnalazion ae Consob par “verificâ il rispiet efetîf dal principi di coretece, di paritât di cundizions ufiertis de bande di Sparkasse a ai azioniscj”.
Infin, al è il front viert a metât Avrîl dal “Comitât socis e amîs de Civibank” che si è dreçât a Consob e al à metût par domandâ une valutazion su la legjitimitât de operazion.
La Casse di Risparmio di Bolzan al à replicât in mût perentori. Traviers une note, Sparkasse al amet di vê “imparât cun sorprese des iniziativis judiziariis al à tacât dal consei di aministrazion di Civibank cul intindiment palês di ostacolâ il davuelziment regolâr e la adesion aes Ufiertis publichis e al reagjirà in ogni sede Di Bolzan i vertiçs de Casse di Risparmio no temin di vê fat erôrs e a rimarchin che “sedi la Fondazion che Sparkasse a àn agjît intal plen rispiet de normative” e a son stadis otignudis “dutis lis autorizazions necessariis”.
