Al è tacât il congrès regjonâl de Cisl Fvg a Triest. A son soredut dôs lis tematichis sielzudis dal segretari che al va fûr Alberto Monticco, ven a stai contrast cuintri de puaretât e sigurece sul lavôr, par vierzi il XIV congrès che al larà indenant fintremai a martars ai 21 di Mai li dal Generali Convention Center di Triest. Vuê e jere presint ancje la segretarie gjenerâl Daniela Fumarola.
Monticco al sarà confermât ae vuide dal sindicat in F-Vj e inte sô relazion di viertidure al à fevelât di ricambi gjenerazionâl, formazion dai delegâts, gnûfs leams cul teritori e il mont des associazions e des cooperativis, strente su lis politichis industriâls e atenzion pal sociâl e pes bisugnis che a cressin te popolazion, simpri plui vecje e di un marcjât dal lavôr che al cîr zovins. (a.d.g.) – 19.05.2025
