La Regjon e à decidût di meti a disposizion 5 milions di euros a pro di iniziativis imprenditoriâi buinis di promovi l’acet di fasse alte, ven a stai albiercs des cuatri stelis in sù. Chest par valorizâ il teritori e favorî la rivade par dut l’an di turiscj siôrs.
“Inte sielte des localitâts che a podaran gjoldi dal bant de Regjon – al à dit l’assessôr regjonâl al Turisim Sergio Emidio Bini – o vin volût indreçâ in mût clâr il disvilup turistic par plui agns. O vin tignût cont de cressite inte aree de mont, de nomine di Pordenon tant che Capitâl de culture tal 2027, de impuartance di Udin pai events sportîfs, di Gurize e dai Cuei in graciis des ricjadudis tai agns a vignî de capital europeane de Culture e de impuartance di Triest pes croseris”.
Intal bant a son stadis metudis ancje dutis li citâts Unesco. (a.d.g.) – 27.06.2025
