E sarà targade Cimolai la metropolitane di Parîs, ogjet di inmodernament cul progjet Grand Paris Express. La aziende pordenonese, di fat, si è adiudicade i lavôrs par realizazion dal lot 2 de Linie 17, par un valôr di plui di 122 milions di euros.
La trate e colegarà a Nord de capitâl francese il comun di Gonesse cun chel di Tremblay en France. E je ancje previodude la costruzion di une gnove e stazion moderne in corispondence di Parque des Expositions.
Cimolai Spa si interessarà de progjetazion esecutive, de fabricazion, dal traspuart e dal montaç in opare des struturis metalichis dai puints e de stazion.