Il dopleament de sede di Padue prime e, daspò, un gnûf pôl logjistic a Pradaman. Cumò pe furlane Ceccarelli Group, aziende di ponte intal setôr dai traspuarts e de logjistiche, al è rivât il moment di screâ une gnove “cjase”.
A saran screâts vinars ai 25 di Novembar aes 11 a buinore i spazis li dal Consorzi di Disvilup Economic – Carnia Industrial Park di Tumieç. Ceccarelli, concludûts i lavôrs fats tal pôl logjistic, al doprarà lis primis dôs unitâts cun LogLab, la division aziendâl dal Grup che e furnìs servizis specialistics di afidament a tjerçs cu la cjadene di furnidure des aziendis di manifaturis clientis.
Di là dal president Luca Ceccarelli e i vertiçs dal Grup, a saran presints ancje l’assessôr regjonâl aes Ativitâts produtivis e Turisim, Sergio Emidio Bini, il sindic di Tumieç, Roberto Vicentini, e il president dal Parc industriâl, Roberto Siagri. (ADG) – 23.11.2022
