La direzion de Marelli Automotive Lighting e à comunicât che e je stade presentade pal stabiliment cjargnel domande di casse integrazion ordenarie pal periodi dai 22 di Setembar ai 31 di Otubar di chest an.
Il proviodiment al covente par vie di un câl di plui dal 30% dai ordins de bande di Audi, il client plui impuartant. Chest cal al ingrivie un cuadri za inciert par vie dal procediment inviât cul Chapter 11 intai Stâts Unîts, norme previodude pes aziendis in fuarte dificoltât, che il risultât ancjemò no si cognòs e che di chest si fevelarà tal prossim confront tal Ministeri des Impresis e dal Made in Italy ai 21 di Otubar.
Lis segretariis teritoriâls di Fim Cisl, Fiom Cgil e Uilm Uil di Udin e àn palesât grande preocupazion pe situazion. (a.d.g.) – 25.09.2025
