Al è stât dât il stop al parc fotovoltaic previodût a Udin Sud, tra vie Tre Galli e vie Partidôr, in spiete che la imprese che e à proponût il progjet e presenti la documentazion domandade te suaze de Conference dai servizis. Dai aprofondiments fats dai ents cjapats dentri a son saltadis fûr cetantis mancjancis di documents che, par cumò, no permetin al procediment di lâ indenant.
“La aziende e à cumò dîs dîs par presentâ lis integrazions domandadis – al vise Andrea Zini, assessôr di Udin ae Planificazion teritoriâl -. Sui progjets dedicâts al fotovoltaic, i margjins di intervent dai Comuns a son une vore plui limitâts di ce che si puedi pensâ. Se un progjet suntune aree privade al rispiete ducj i recuisîts previodûts de leç, il Comun nol à struments par autorizâ o limitâ chescj implants”. (a.d.g.) – 25.08.20269
