Belanç Fvj: cuasi trê miliarts sparagnâts

E vâl 811 milions di euros la manovre finanziarie puartade ae atenzion dal Consei regjonâl, che tra avanz di aministrazion e gnovis jentradis e presente une capacitât di spese superiôr a pet dal passât. In graciis des sieltis de Zonte, la Regjon e podarà sostignî disvilup e ocupazion: chest il concet pandût dilunc de discussion in Consei regjonâl su la leç di assestament dal belanç. Pe Regjon, l’assestament al puarte un avanz di aministrazion straordenari, cun plui grandis jentradis che si sumin. Cui acuardis dal 2019 e dal 2021 cul Stât talian, si podarà garantî dal 2019 al 2026 un sparagn pes cassis de Regjon di 2 miliarts e 264 milions di euros. Se si ten cont ancje dai trasferiments ricognossûts in tiermins di invistiment, si rive a un sparagn complessîf di cuasi 3 miliarts che a restin sul teritori pal disvilup dal Friûl Vignesie Julie. (A.I.) – 27.07.2022