Aziendis agriculis in mont in dificoltât fuarte

da Alessandro Di Giusto

“La agriculture di mont e je fondamentâl pe vite des comunitâts alpinis: e garantìs il sostegn a cui che al vîf intes tieris altis, e furnìs mangjative, e plasme il paisaç, e favorìs il turisim e e conserve tradizions e savês – al aferme Franco Clementin, president di Agricoltori Italiani Fvg-Cia -. Dut câs, la agriculture di mont e fronte tantis sfidis, dovudis prin di dut aes cundizions naturâls e struturâls dificilis dal teritori. Par chescj motîfs e esist la ‘indenitât compensative’ che e sigure une poie economiche anuâl basade su la superficie possedude, calcolade tignint cont dai coscj in plui e dai rigjâfs in mancul de ativitât agricule in areis svantazadis di mont, a pet dai coscj e rigjâfs de stesse ativitât fate in areis cence discomuts naturâi. Alore – al va indevant Clementin – chest an i nestris agricultôrs in mont, par une serie di fatôrs tecnics e burocratics e par une miopie palese de Comunitât Europeane, a patiran la riduzion de indenitât che, in cualchi câs, e je di plui dal 50%. In consecuence di chest – al denunzie il president – tantis aziendis de Cjargne, za in dificoltât, a van a pericul di sierâ. De cuistion o vin interessât l’assessôr regjonâl aes Risorsis agroalimentârs, Stefano Zannier, par che al intervegni cul ministri Francesco Lollobrigida e, chest ultin, si fasi part ative dongje de Ue par riparâ, almancul in part, aes sfuarçaduris creadis dai euroburocrats”. (a.d.g.) – 01.03.2024

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui