Archiviade a Gurize la inchieste su lis iregolaritâts in cetancj apalts

E je stade archiviade dal judiç des indagjins preliminârs di Gurize la inchieste grande su lis presumudis iregolaritâts in tancj apalts tal Nordest, indulà che a jerin sot investigazion 195 personis, e fra chês une vore di imprenditôrs e dirigjents. La decision e je stade cjapade su domande dal Public ministeri.

Lis investigazions de Vuardie di Finance a jerin tacadis intun cantîr di Gurize e di li si jerin slargjadis, tra il 2017 e il 2018, in dut il Nordest. Te smire dai financîrs a jerin i plui impuartants cantîrs vierts dal 2015 al 2018 tal teritori, e tra chei ancje chel pe tierce corsie de autostrade A4. (a.d.g.) – 06.02.2025