59
La Icop di Basilian, specializade in oparis grandis, e à comunicât di vê vinçût un apalt par fa su trê micro tunnel in Gjermanie, oparis dal valôr di 14,4 milions di euros.
Il progjet al fâs part dal bant nazionâl comissionât di Terranets bw, “Süddeutsche Erdgasleitung (SEL 3)” une infrastruture energjetiche impuartante che e je daûr a jessi realizade tal Sud de Gjermanie.
Cheste iniziative e previôt di realizâ une condote lungje plui o mancul 250 chilometris par traspuartâ in principi gas naturâl e dopo, tacant dal 2030, ancje idrogjen, par judâ cussì la transizion bande une energjie cune missions bassis di carboni. (a.d.g.) – 12.05.2025
