Ancjemò masse implants di riscjaldament che no son a puest

Fvg Energia dilunc dal 2025 e à fat 5.490 ispezions tai implants di riscjaldament in vore tal Friûl – Vignesie Julie. I risultâts no son cuissà ce bogns, parcè che ancje se e va miôr dai ultins doi agns, a son in cressite chei che a son negatîfs a pet dai agns prime dal 2020.

L’an passât a son stâts 2017 i controi negatîfs a pet dai 2.360 che a son lâts ben. Lis ispezions negativis a son stadis cussì il 37%, miôr par chest  di chês tal 2024 par al 42% e al 39% dal 2023, ma i numars a son ancjemò masse alts parcè che la leç che e à metût tant che obligatorie la manutenzion dai implants e je in vore dal 1993. (a.d.g.) – 02.02.2026