I tecnics de Arpa dal F-Vj a àn inviât, presint ancje l’assessôr al Ambient Fabio Scoccimarro, il secont control regjonâl stagjonâl par verificâ se a sedin presints intes aghis dilunc des cuestis de regjon lis micro alighis, soredut la Ostreopsis ovata.
Ostreopsis ovata e je une alighe di dimensions microscopichis che in ciertis cundizions, come tal câs di un periodi di timp lunc e stabil cun temperaduris altis tal aiar e tant soreli, si riprodûs une vore di corse creant lis “floriduris des micro alighis”. Cheste alighe magari cussì no e je buine di produsi sostancis che a puedin jessi tossichis e par chest e je une vore controlade.
Chest control al va indenant dal 2010 de bande de Arpa F-Vj dilunc de stagjon balneâr che di Avost a Setembar e fâs doi controi par mês. Dut câs, fintremai vuê no son mai rivadis segnalazions di problemis sanitaris de bande des autoritâts sanitaris locâi par vie di cheste alighe. (a.d.g.) – 21.07.2025
